Unha mensaxe ao mundo!

Para conmemorar o Día da Paz e a Non Violencia, lanzamos unha mensaxe ao mundo, para que abandonen a violencia e para que xuntos construamos un camiño como irmáns, con amor e liberdade!

Uxía Lambona e a Banda Molona no noso cole!

   

               

Inauguramos a nova biblioteca do cole cunha festa rachada da man dun dos grupos musicais galegos máis empregados na nosa clase de música: Uxía Lambona e a Banda Molona! Canta ilusión nos fixo telos polo cole e que ben o pasamos!

Polo Nadal...a voltas coa duración!

Este ano, Santa Claus vai repartir os agasallos en tren. Anda algo despistado e desordenounos todos. Segundo o número de pulsos que suman as figuras musicais de cada agasallo, ímoslle axudar colocándoos no vagón correspondente.  E, de paso, repasamos as figuras e a súa duración!

 

4/4 con percusión corporal e vasos!

 Practicamos o compás de 4/4 con percusión corporal e vasos!

Música Terrorífica!

 

Aproveitando que chegou a festa mais terrorífica do ano, o Samaín, traballamos a altura do son e a colocación das notas no pentagrama. Mais esta vez as notas convertíronse en arañas e o pentagrama nunca pentatearaña. Que medo!